Shayari Dil Se 4 U

Ronay Se Aur Ishq Mein Be-Baak Ho Gaye;
Dhoye Gaye Hum Itney Ke Bass Paak Ho Gaye!
~ Mirza Ghalib

Roz Woh Dhaass Bandhaa Jata Hai Tootay Dil Ki;
Yoon Woh Halaat Ko Behter Nahin Honay Deta!
Dhaass Bandhaa = Giving Hope

Raha Na Dil Mein Woh Bedard Aur Dard Raha;
Muqeem Kaun Hua Hai, Maqaam Kiss Ka Thaa!
~ Daag Dehlvi

Raha Youn Hi Namukkamal, Gham-E-Ishq Ka Fasaana;
Kabhi Mujhko Neend Aayi, Kabhi So Gaya Zamaana!

Nadaan Ho Jo Kehte Ho Ki Kyon Jeete Ho Ghalib;
Kismat Mein Hai Marne Kee Tamanna Koi Din Aur!
~ Mirza Ghalib

Nelaam Kuchh Iss Tarha Se Huay Bazar-E-Mohabbat Mein;
Boli Lagane Wala Bhi Woh Tha, Jiss Ne Kabhi Jholi Faila Kar Manga Tha Mujhe!

Phadfadata Hai Jo Din Raat Mere Seeney Mein;
Ab Yehi Ek Parindaa Hai Rihaa Karne Ko!

Puche Na Zindagi Mein Kisi Ne Bhi Dil Ke Dukh;
Ab Shehar Bhar Mein Zikr Meri Khud-Kushi Ka Hai!

Na Zaat Mein Koi Manzil Na Qayenat Mein Hai;
Safar Karoon Toh Kahan Mera Koi Jada Nahin!

Muskuraane Ki Aadat Bhi Kitni Mehangi Padi Humein;
Chod Gaya Wo Ye Soch Kar Ki Hum Judai Me Bhi Khush Hain!