Category: Urdu Shayari

Zindagi Mujhse Yun Daga Na Kar

Zindagi Mujhse Yun Daga Na Kar;
Main Zinda Rahu Bin Uske Ye Dua Na Kar;
Dekhta Hai Use Koi To Hoti Hai Jalan;
Ai Hawa Tu Bhi Use Chuaa Na Kar!



Garmiye Hasrat-E-Nakaam Se Jal Jaate Hain

Garmiye Hasrat-E-Nakaam Se Jal Jaate Hain;
Hum Chiraagon Ki Tarah Shaam Se Jal Jaate Hain;
Shama Jalti Hai Jis Aag Mein Numayish Ke Liye;
Hum Usi Aag Mein Gumnaam Se Jal Jaate Hain;
Jab Bhi Aata Hai Tera Naam Mere Naam Ke Saath;
Jaane Kyon Log Mere Naam Se Jal Jaate Hain!

Ye Dil Bhulata Nahi Hai Mohabbatein Uski

Ye Dil Bhulata Nahi Hai Mohabbatein Uski;
Padi Hui Thi Mujhe Kitni Aadatein Uski;
Ye Mera Sara Safar Uski Khushbu Mein Kata;
Mujhe To Raah Dikhaati Thi Chahatein Uski!
~ Noshi Gilani

Ye Husn-e-Raaz Mohabbat Chupa Raha Hai Koi

Ye Husn-E-Raaz Mohabbat Chupa Raha Hai Koi;
Hai Ashk Aankhon Mein Aur Muskura Raha Hai Koi;
Nazar Nazar Mein Tajalli Dikha Raha Hai Koi;
Nafaz Nafaz Pe Mujhe Yaad Aa Raha Hai Koi!
~ Qadeer